29 اگست ، 2020 
پاکستان
کراچی کے مسائل پر وفاقی اور صوبائی حکومت کا تعاون مثبت پیشرفت ہے: صدر مملکت
29 اگست ، 2020
صدر مملکت ڈاکٹر عارف علوی کا کہنا ہے کہ کراچی کے مسائل پر وفاقی اور صوبائی حکومت کا تعاون مثبت پیش رفت ہے۔
صدر عارف علوی نے اپنے بیان میں کہا ہے کہ کراچی اور سندھ کے دیگر علاقوں کو تنہا نہیں چھوڑیں گے۔
انہوں نے کہا کہ پینے کے پانی کی فراہمی، نکاسی آب اور دیگر مسائل کو مل کر حل کرنا اہمیت کا حامل ہے، وفاقی اور سندھ حکومت مل کر بحرانی کیفیت میں بہتری لاسکتے ہیں۔
صدر عارف علوی نے کہا کہ کراچی کے مسائل پر وفاقی اور صوبائی حکومت کا تعاون مثبت پیش رفت ہے۔
دوسری جانب وزیراعظم عمران خان نے بھی اپنے بیان میں کہا ہے کہ وفاق اور سندھ حکومت مل کر کراچی کے تین بڑے مسائل کے حل کے لیے کام کرے گی۔
