کراچی میں بجلی کی عدم فراہمی کیخلاف شہریوں کا تین تلوار پر مظاہرہ

بجلی کی عدم فراہمی کے خلاف کراچی کے علاقے کلفٹن میں شہری سڑکوں پر نکل آئے اور خواتین و بچوں کے ہمراہ تین تلوار  پر مظاہرہ کیا۔

کلفٹن میں تین تلوار پر رہائشیوں نے بجلی کی عدم فراہمی کے خلاف احتجاجی مظاہرہ کیا جس کی وجہ سے سڑک پر ٹریفک معطل ہو گئی۔

حالیہ مون سون بارشوں میں کراچی سمیت سندھ بھر میں 80 افراد جاں بحق

وفاق کے ساتھ مل کر نقصان کا ازالہ کریں گے، وفاق مدد کرے جیسے آصف زرداری نے کی تھی، ایسا نہ ہو مدد دینے کے بجائے اختیارات مانگنے شروع کر دے، وزیراعلیٰ سندھ

مظاہرین نے کے الیکٹرک کے خلاف شدید نعرے بازی کی، ان کا کہنا تھا کہ اطراف کی 7 رہائشی عمارتوں کے مکین 4 روز  سے بجلی سے محروم ہیں،کے الیکٹرک سے رابطہ کریں تو مؤقف آتا ہے کہ پانی کھڑا ہونے کی وجہ سے بجلی بحال نہیں کی جائے گی حالانکہ ان کی عمارتوں سے بارش کے پانی کی مکمل نکاسی ہو چکی ہے۔

احتجاج کے باعث تین تلوار کی طرف آنے والے ٹریفک کو متبادل راستوں کی طرف موڑ دیا گیا، پولیس اور ٹریفک پولیس کی نفری بھی احتجاج کے وقت تین تلوار پر موجود تھی۔