نواز شریف 10 ستمبر تک نہ آئے تو ’ش لیگ‘ ن لیگ سے الگ ہوجائے گی، شیخ رشید

عوامی مسلم لیگ کے سربراہ اور وفاقی وزیر ریلوے شیخ رشید کا کہنا ہے کہ نواز شریف 10 ستمبر تک آجائیں گے تو ان کی سیاست میں بہتری آ سکتی ہے ورنہ ش لیگ ن لیگ سے الگ ہوجائے گی۔

اپنے بیان میں شیخ رشید نے کہا کہ پیپلز پارٹی اور ن لیگ استعفے نہیں دیں گی، اپوزیشن دھرنوں کی سیاست نہیں کر سکتی ، جلسہ، جلوس کھیل سکتی ہے۔

شیخ رشید نے کہا کہ خطرات کا سامنا اپوزيشن کو ہے حکومت کو نہیں، مریم نواز مایوس ہوگئيں تو پتھراؤ کروایا، پتھراؤ والی پارٹی ، بات چیت والی پارٹی کے ساتھ نہیں۔

نواز شریف کی زندگی اور صحت پر سیاست کی جاسکتی ہے نہ سمجھوتہ: احسن اقبال

ن لیگ کے ایک قائد ہیں جن کا نام نواز شریف ہے، اُن کی قیادت پر پوری پارٹی متفق ہے، نواز شریف قوم کا اثاثہ ہیں: لیگی رہنماؤں کی پریس کانفرنس

شیخ رشید نے شہباز شریف کو نواز شریف کا سہولت کار بھی قرار دے دیا اور کہا کہ نوازشریف 10 ستمبر تک نہ آئے تو ن لیگ میں سے ش لیگ الگ ہوجائے گی۔

انہوں نے کہا کہ جتنا مرضی چھپا لیں پتھراؤ  والی پارٹی مذاکرات والی پارٹی کے ساتھ چلنے پر تیار نہیں ہے۔

وزیر ریلوے شیخ رشید کہتے ہیں کہ مریم نواز کی پیشی پر سارے ن لیگی آئے، ش لیگ کا ایک بندہ بھی نہیں آیا، مریم نواز ایک سال تک ویزے کی لاٹری نکلنے کی امید پر خاموش رہیں، باہر جانے کی اجازت نہ ملنے کا یقین ہونے پر مریم نواز نے پتھرائو کرایا۔

نواز شریف کو عدالت کے سامنے سرینڈر کرنے کیلئے 9 دن کی مہلت

اس وقت نواز شریف کو مفرور قرار نہیں دے رہے، ایک موقع فراہم کر رہے ہیں، اگر نواز شریف مفرور ہیں تو الگ 3 سال قید کی سزا ہوسکتی ہے: اسلام آباد ہائی کورٹ

شیخ رشید نے کہا کہ اے پی سی ٹائیں ٹائیں فش ہوگئی کیونکہ ن لیگ اور پیپلزپارٹی والے استعفے نہیں دیں گے، دونوں پارٹیاں فضل الرحمان کو کوئی تحریر بھی دینے پر تیار نہیں ہیں کیونکہ وہ مذاکرات کا دروازہ بند کرنا نہیں چاہتیں۔