موٹر وے زیادتی کیس: عینی شاہد کا بیان سامنے آگیا

لاہور: مشرقی بائی پاس موٹروے پر خاتون سے ڈکیتی اور زیادتی کے واقعے کے عینی شاہد کا بیان سامنے آگیا۔

خاتون کے ساتھ ڈکیتی کی واردات کے عینی شاہد نے جیو نیوز سے ٹیلی فونک گفتگو کی اور بتایا کہ خاتون کو ایک ڈاکو زبردستی کھینچ کر پیچھے لے جارہا تھا۔

موٹروے زیادتی کیس میں اہم پیشرفت، جائے وقوعہ سے نئے شواہد مل گئے

قانون نافذ کرنے والے اداروں کو جنگل سے خاتون سے لوٹی گئی طلائی انگوٹھی اور گھڑی مل گئی: ذرائع

عینی شاہد خالدصفدر نے مزید بتایا کہ خاتون کو کھینچنے والا شخص اسے تھپڑ بھی مار رہا تھا،گاڑی کے پیچھے ایک اورشخص کھڑا تھا۔

خالد صفدر نے بتایا کہ انہوں نے یہ سب دیکھنے کے بعد  واقعے کی اطلاع 15 کو دی۔

خیال رہے کہ 9 ستمبر کو لاہور کے علاقے گجر پورہ میں موٹر وے پر خاتون کو اجتماعی زیادتی کا نشانہ بنانے کا واقعہ پیش آیا تھا۔

ویڈیو دیکھیں: موٹروے پر خاتون سے زیادتی کا شرمناک واقعہ کہاں پیش آیا؟

2 افراد نے موٹر وے پر کھڑی گاڑی کا شیشہ توڑ کر خاتون اور اس کے بچوں کو نکالا اور پھر خاتون کو بچوں کے سامنے زیادتی کا نشانہ بنایا

دو افراد نے موٹر وے پر کھڑی گاڑی کا شیشہ توڑ کر خاتون اور اس کے بچوں کو نکالااور سب کو قریبی جھاڑیوں میں لے گئے اور پھر خاتون کو بچوں کے سامنے زیادتی کا نشانہ بنایا۔