جنسی زیادتی کے مجرم کسی رعایت کے مستحق نہیں، وزیراعظم

وفاقی کابینہ کے اجلاس میں سانحہ موٹر وے پر گفتگو کی گئی اور  وزیراعظم عمران خان نے کہا کہ ایسے مجرم کسی رعایت کے مستحق نہیں۔

کابینہ اراکین نے زیادتی کے ملزمان کو سخت اور فوری سزائيں دینے پر اتفاق کیا اور  یہ بھی کہا کہ تمام جماعتوں کو مل کر قانون سازی کرنے کی ضرورت ہے ۔

وزیراعظم عمران خان ریپ کے مجرموں کو نامرد کرنے اور سرِعام پھانسی کے حامی

زیادتی کے مجرموں کو چوک پر لٹکانا چاہیے، ریپ اور بچوں سے زیادتی پر سرعام پھانسی دینی چاہیے، اس حوالے سے بات کی تو کہاگیاعالمی سطح پرسرعام پھانسی کو قبول نہیں کیاجائیگا، عمران خان

خیال رہے کہ گزشتہ روز وزیراعظم عمران خان نے اپنے انٹرویو میں ریپ کے مجرموں کو جنسی طور پر ناکارہ کرنے کی تجویز دی تھی۔

ان کا کہنا تھا کہ عوام ہم سے صرف یہ پوچھیں گے کہ ہمیں کتنا تحفظ دیا؟ یہ نہیں پوچھیں گے کہ کتنے آئی جی تبدیل کیے؟ زیادتی کے مجرموں کو عبرت ناک سزائیں دینی چاہئیں، زیادتی کے مجرموں کو چوک پر لٹکاناچاہیے۔

وزیراعظم نے کہا کہ جب انہوں نے یہ بات کی توکہاگیاعالمی سطح پرسرعام پھانسی کو قبول نہیں کیا جائے گا، یورپی یونین کاپاکستان کودیاگیاجی ایس پی کااسٹیٹس متاثر ہوگا۔