18 ستمبر ، 2020 
واٹس ایپ ویب ’فنگر پرنٹ‘ سے لاگ ان ہونے کے قریب
18 ستمبر ، 2020
پیغامات اور ویڈیو کالنگ کی مقبول ترین ایپ واٹس ایپ کے ڈیکس ٹاپ ورژن میں اب جلد ’فنگر پرنٹ‘ کے ذریعے لاگ ان کرنے کا فیچر شامل ہونے والا ہے۔
واٹس ایپ ویب استعمال کرنے والے صارفین یہ بات تو اچھی طرح جانتے ہوں گے کہ انہیں لاگ ان کرتے وقت اپنے موبائل فون سے کیو آر کوڈ اسکین کرنا پڑتا ہے جس کے بعد ہی وہ واٹس ایپ ویب استعمال کرتے ہیں۔
لیکن واٹس ایپ بیٹا انفو کے مطابق واٹس ایپ اب ڈیکس ٹاپ لاگ ان کے لیے ’فنگر پرنٹ لاگ ان سسٹم‘ کی آزمائش کر رہا ہے۔
کہا جا رہا ہے کہ واٹس ایپ ویب کے لیے یہ ’فنگر پرنٹ لاگ ان سسٹم‘ کیو آر کوڈ اسکین کرنے والے سسٹم کے مقابلے میں کافی آسان ثابت ہو گا۔
اس سسٹم کے تحت واٹس ایپ ویب استعمال کرنے کے لیے آپ کو موبائل فون میں اپنا فنگر پرنٹ لگانا ہو گا جس کے بعد یہ فوراً اسکین ہو کر آپ کی ڈیکس ٹاپ اسکرین پر لاگ ان ہو جائے گا۔
واٹس ایپ ویب کے اس نئے ’فنگر پرنٹ لاگ ان سسٹم‘ کو کب ایپ میں شامل کیا جائے گا اس حوالے سے کمپنی کی جانب سے تاحال کوئی بیان جاری نہیں کیا گیا۔
مزید خبریں :
ناسا کا پارکر مشن سورج کے قریب ترین جانے میں کامیاب
7 گھنٹے پہلے
گوگل والٹ پیمنٹ سسٹم پاکستان آنے کیلئے تیار
8 گھنٹے پہلے
انسٹا گرام میں ایک دلچسپ فیچر کا اضافہ
24 دسمبر ، 2024
50 ہزار سال سے برف میں صحیح حالت میں منجمد اونی میمتھ دریافت
24 دسمبر ، 2024
ملک میں انٹرنیٹ اسپیڈ بڑھانے کیلئے جدید کیبل آج منسلک ہوگی
24 دسمبر ، 2024
