27 ستمبر ، 2020 
کراچی سرکلر کا نقشہ دیکھ کر لوگ اپنا بندوبست کر لیں گے: شیخ رشید
27 ستمبر ، 2020
وزیر ریلوے شیخ رشید کا کہنا ہے کہ کل کراچی سرکلر ریلوے کا نقشہ جاری کریں گے جسے دیکھ کر لوگ اپنا بندوبست خود کر لیں گے۔
وفاقی وزیر شیخ رشید کا کہنا ہے کہ سندھ حکومت سےکراچی سرکلر ریلوے کے حوالے سے کوئی لڑائی نہیں ہے، کراچی سرکلر ریلوے سے متعلق سندھ حکومت اور وفاقی حکومت ایک پیج پر ہیں، وزیر اعلی سندھ اور چیف سیکرٹری سندھ مکمل تعاون کر رہے ہیں۔
ان کا کہنا تھا کہ کراچی سرکلر ریلوے پر 10 ارب سے زائد رقم خرچ کرنے جا رہے ہیں، سرکلر ریلوے کا جائزہ لینے ہر 15 دن بعد کراچی آؤں گا۔
ریلوے زمین پر تجاوزات کے حوالے سے بات کرتے ہوئے شیخ رشید نے کہا کہ ریلوے سپریم کورٹ کے احکامات پر مکمل عمل درآمد کرے گی، اور سپریم کورٹ کا حکم ہے کہ ریلوے ٹریک کے اطراف سے تجاوزات ختم کی جائیں۔
ایک سوال کے جواب میں وزیر ریلوےنے کہا کہ کل سرکلر ریلوے کا نقشہ دے دیں گے، نقشہ دیکھ کر لوگ اپنا بندوبست کرلیں گے۔
