11 اکتوبر ، 2020 
ماڈل آمنہ الیاس نے آٹے سے بھرے تسلے میں اپنا منہ کیوں ڈالا؟
11 اکتوبر ، 2020
پاکستان فیشن انڈسٹری سے تعلق رکھنے والی نامور ماڈل آمنہ الیاس نے گوری رنگت کے لیے فیئرنس کریم کی تشہیر کرنے والوں کو کرارا جواب دے دیا۔
ماڈل آمنہ الیاس نے اپنی سالگرہ کے موقع پر ایک ویڈیو شیئر کی جس میں انہوں نے گوری رنگت کے لیے فیئرنس کریم کی تشہیر کرنے والوں پر طنز کیا۔
آمنہ الیاس مختصر ویڈیو کے آغاز میں کہتی ہیں کہ 'میں ہوں آمنہ الیاس، آپ میری کامیابی کی وجہ جاننا چاہتے ہیں؟'۔
بعد ازاں ویڈیو میں ماڈل آمنہ الیاس ایک آٹے سے بھرے تسلے میں اپنا منہ ڈالتی ہیں اور کہتی ہیں کہ 'اب کریں گے میرے فینز میرا اعتماد۔
بعدازاں ویڈیو کے آخر میں ماڈل آمنہ الیاس کہتی ہیں کہ 'خدا کے لیے، پہچانو خود کو'۔
ماڈل آمنہ الیاس کی اس ویڈیو پر سوشل میڈیا صارفین کی جانب سے انہیں خوب سراہا جا رہا ہے۔
خیال رہے کہ چند روز قبل ماڈل آمنہ الیاس نے ایک ایک ٹوئٹ کی تھی جس میں انہوں نے کہا تھا کہ انڈسٹری میں موجود میری ساتھی اداکارائیں پیسے کی خاطر رنگ گورا کرنے والی کریمز کی تشہیر کر رہی ہیں اور بطور عوامی شخصیت ہماری جانب سے کسی چیز کے اثرات مرتب ہونے کا مطلب یہ ہے کہ ہم دوسروں کو خوبصورتی کا احساس کروائیں نہ کہ انہیں خود کو کم خوبصورت محسوس کروائیں۔
آمنہ الیاس نے مزید کہا تھا کہ ان لوگوں کو شرم آنی چاہیے جو اب بھی اس قسم کی سوچ کی تائید رکھتے ہیں۔
واضح رہے کہ شوبز انڈسٹری میں بے شمار ایسی اداکارائیں ہیں جو کہ فیئرنس کریم کے اشتہارات میں کام نہیں کرتی جس میں اداکارہ اقراء عزیز، عائشہ عمر اور دیگر شامل ہیں۔
مزید خبریں :
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
