آپ کے آئی فون میں موجود ہے چھپا ہوا بٹن

27 اکتوبر ، 2020

آپ کے آئی فون ایک چھپا ہوا بٹن ہے جس کے بارے میں آپ یقیناً نہیں جانتے ہوں گے کہ یہ چھپا ہوا بٹن آپ کے کس کام آ سکتا ہے۔

اس چھپے ہوئے بٹن کا نام ’بیک ٹیپ‘ ہے جو کہ آئی فون کے ’آئی او ایس 14‘ سافٹ وئیر کی اپ ڈیٹ کا ایک حصہ ہے اور اس بارے میں زیادہ تر لوگوں کو معلوم نہیں ہے۔

یہ کیا کام کرتا ہے؟

اب آپ کے دماغ میں یہی سوال اٹھ رہا ہو گا کہ یہ بیک ٹیک بٹن کام کیا کرتا ہے؟ اس فیچر سے مستفید ہونے کے لیے سب سے پہلے آپ کو اپنے آئی فون میں آئی او ایس 14 سافٹ وئیر کو اپ ڈیٹ کرنا ہوگا۔

اپنے فون میں آئی او ایس 14 سافٹ وئیر کو اپ ڈیٹ کرنے کے بعد آپ سیٹنگ کے آپشن میں جائیں اور اسے اسکرول کرتے کے بعد آپ ’ایسیسی بلیٹی (Accessibility) ‘ کے آپشن پر کلک کریں جس کے بعد آپ کو ’ٹچ‘ کا آپشن نظر آئے گا۔

اب ٹچ کے آپشن پر کلک کرنے کے بعد آپ کو ’بیک ٹیپ‘ کا آپشن نظر آئے گا جسے آپ کو آن کرنا ہوگا۔

اس بیک ٹیپ آپشن کو آن کرنے کے بعد آپ اسکرین شاٹ، آواز کم اور زیادہ کرنا، اور زوم کرنے کے ساتھ ساتھ مزید چیزیں بھی کر سکیں گے۔

مثال کے طور پر اگر آپ اس ’بیک ٹیپ‘ آپشن سے اسکرین شاٹ لینا چاہتے ہیں تو اس کے لیے بیک ٹیپ کو آن کرنے کے بعد آپ کو ’اسکرین شاٹ‘ کے آپشن کو منتخب کرنا پڑے گا۔

اب آپ کو اسکرین شاٹ لینے کے اپنے فون کی پشت پر دو مرتبہ مرتبہ ٹیپ کرنا پڑے گا جس کے بعد آپ اسکرین شاٹ لے سکیں گے۔

اس فیچر سے مستفید ہونے کے لیے آپ کو یہ اہم بات کا خاص خیال رکھنا ہوگا کے آپ کے فون کا کوور (کیس) زیادہ موٹا نہ ہو۔