03 نومبر ، 2020 
ستمبر کے مقابلے میں اکتوبر میں مہنگائی کی شرح میں معمولی کمی
03 نومبر ، 2020
وفاقی ادارہ شماریات کے مطابق ستمبر کے مقابلے میں اکتوبر کے دوران ملک میں مہنگائی کی شرح میں معمولی کمی دیکھی گئی۔
ادارہ شماریات کی رپورٹ کے مطابق ستمبر میں مہنگائی کی شرح 9.04 فیصد تھی جو اکتوبر میں معمولی کمی کے ساتھ8.91 فیصد ہوگئی۔
وفاقی ادارہ شماریات کی ماہانہ رپورٹ کے مطابق چینی پر نوٹس لینے اور کمیشن بننے کے باوجود الٹا اثر ہوا اور پہلے سے مہنگی چینی اکتوبر کے مہینے میں مزید 4.54 فیصد مہنگی ہو گئی۔
رپورٹ کے مطابق ایک ماہ میں گندم 8.39 فیصد اور گندم کی مصنوعات 8 فیصد مہنگی ہوئیں جب کہ پہلے سے مہنگا آٹا بھی اکتوبر میں 4 فیصد اور مہنگا ہوا ہے۔
ادارہ شماریات کے مطابق ایک ماہ میں ٹماٹر 48 فیصد اور پیاز 39 فیصد مہنگی ہوئی ہے جب کہ اکتوبر میں چکن 26.6، انڈے 23.8 فیصد اور مسالہ جات 38.5 فیصد مہنگے ہوئے ہیں۔
ادارہ شماریات کی رپورٹ میں بتایا گیا ہے کہ 4 ماہ میں ٹماٹر کی قیمت میں 52 فیصد اور گندم کی قیمت میں 41.9 فیصد اضافہ ہو گیا ہے جب کہ 4 ماہ میں مونگ کی دال 40.5 فیصد مہنگی ہو گئی ہے۔
جولائی سے اکتوبر تک لوبیا 38.2 فیصد، دال ماش 34.4 فیصد، دال مسور 20.8 اور گھی 17.5 فیصد مہنگا ہوا ہے۔
رپورٹ کے مطابق 4 ماہ میں چینی 25.9 جب کہ آٹا 21.2 فیصد مہنگا ہو گیا ہے۔
مزید خبریں :
انٹربینک میں ڈالر کی قدر میں معمولی اضافہ
04 نومبر ، 2024
ملک میں سونےکی قیمت میں اضافہ ہوگیا
04 نومبر ، 2024
پی ایس ایکس 100 انڈیکس نے 92 ہزار کی نئی تاریخی حد کو چھو لیا
04 نومبر ، 2024
سونے کی فی تولہ قیمت میں مسلسل تیسرے روز بھی کمی ہوگئی
02 نومبر ، 2024
ٹیکس اہداف میں ناکامی: آئی ایم ایف نے منی بجٹ کا مطالبہ کردیا
02 نومبر ، 2024
پاکستان میں مہنگائی 4 سال کی کم ترین سطح پر
02 نومبر ، 2024
رواں مالی سال کے پہلے 4 ماہ میں تجارتی خسارے میں کمی ریکارڈ
02 نومبر ، 2024
