وفاقی حکومت کا درآمدی چینی خیبر پختونخوا کو دینے کا فیصلہ

وفاقی حکومت نے ٹریڈنگ کارپوریشن آف پاکستان (ٹی سی پی) کے ذریعے درآمدی چینی خیبرپختونخوا کو دینے کا فیصلہ کرلیا۔

ذرائع وزرات صعنت وپیداوار کے مطابق خیبرپختونخوا حکومت نے 15 ہزار ٹن چینی کیلئے وفاقی حکومت کو خط لکھا۔

بحران پر قابو پانے کیلئے درآمدی چینی اور گندم کے جہاز پاکستان پہنچنا شروع

درآمد کردہ گندم کا چوتھا جہاز پورٹ قاسم پر لنگر انداز ہو گیا جب کہ 52 ہزار 200 میڑک ٹن چینی بھی کراچی پہنچ گئی ہے: ٹی سی پی

ذرائع نے بتایا کہ خط میں کہا گیا ہے کہ صوبے میں چینی کی قیمتیں کنٹرول پرائس پر فروحت کیلئے چینی درکار ہے لہٰذا وفاق ٹریڈنگ کارپوریشن آف پاکستان (ٹی سی پی) کے ذریعے درآمد کردہ چینی سے صوبے کو چینی فراہم کرے۔

ذرائع کے مطابق وفاقی حکومت نے خیبر پختونخوا کو درآمدی چینی دینے کا فیصلہ کرلیا ہے جس کے بعد وفاق درآمد کی جانے والی چینی سے کے پی کو چینی فراہم کرے گا۔

ذرائع نے بتایا کہ خیبرپختونخوا  کو 15 ہزار میٹرک ٹن چینی فراہمی کیلئے ٹی سی پی کو ہدایت جاری کردی ہیں۔

ذرائع کے مطابق کے پی حکومت ٹی سی پی سے چینی خرید کر کنٹرول پرائس پربیچے گی۔