11 نومبر ، 2020 
دو اہم غیر ملکی کرکٹرز پی ایس ایل 5 کے بقیہ میچز سے باہر
11 نومبر ، 2020
ویسٹ انڈیز سے تعلق رکھنے والے ڈیرن سیمی اور نیوزی لینڈ کے مچل میک کلینیگن پاکستان سپر لیگ کے بقیہ میچز سے باہر ہوگئے۔
کراچی کنگز کے اسکواڈ میں شامل مچل میک کلینیگن نیوزی لینڈ کے آئسولیشن قوانین کی وجہ سے پی ایس ایل سے دستبردار ہوئے ہیں۔
کراچی کنگز میں جنوبی افریقا کے وین پارنیل کو بطور متبادل کھلاڑی شامل کرلیا گیا ہے جبکہ لاجسٹک مسائل کی وجہ سے پشاور زلمی کے ڈیرن سیمی بھی پاکستان نہیں آئیں گے۔
فلائٹ کی معطلی اور متبادل ٹرانسٹ ویزا نہ ہونے کی وجہ سے سیمی پی ایس ایل میں شرکت سے محروم ہوئے ہیں۔ پشاور زلمی کے اسکواڈ میں صہیب مقصود کو شامل کرلیا گیا ہے۔
پاکستان سُپر لیگ فائیو کے پلے آف کی تیاریوں کیلئے ٹیموں کی پریکٹس جاری ہے، لاہور قلندرز میں شامل بنگلادیشی کرکٹر تمیم اقبال بھی کراچی پہنچ گئے ہیں۔
پاکستان سپر لیگ کے پلے آف اور فائنل کراچی میں 14، 15 اور 17 نومبر کو ہوں گے جس کیلئے ملکی اور غیر ملکی کھلاڑی پاکستان پہنچنا شروع ہوگئے ہیں۔
مزید خبریں :
بابر اعظم نے ٹیسٹ کرکٹ میں اہم سنگ میل عبور کر لیا
27 دسمبر ، 2024
کوہلی کو آسٹریلوی بیٹر کو کندھا مارنا بھاری پڑگیا، جرمانہ عائد
26 دسمبر ، 2024
کراچی میراتھون 2025 کیلئے رنرز کی تیاری زور شور سے جاری
26 دسمبر ، 2024
چیمپئنز ٹی ٹوئنٹی کپ کا ٹائٹل اسٹالینز نے جیت لیا
26 دسمبر ، 2024
سابق بھارتی کرکٹر کے والد کو غبن کے جرم میں 7 سال قید کی سزا
26 دسمبر ، 2024
