14 نومبر ، 2020 
دسمبر تک کورونا کی دو ویکسین تیار کرلیں گے: ٹرمپ کا دعویٰ
14 نومبر ، 2020
صدارتی انتخاب میں مکمل نتائج آنے کے بعد امریکی صدر ڈونلڈ ٹرمپ نے پریس کانفرنس میں دعویٰ کیا ہے کہ رواں سال کے آخر تک کورونا کی 2 ویکسین تیار کرلیں گے۔
پریس کانفرنس سے خطاب میں امریکی صدر کا کہنا تھا کہ ہم نے 5 گنا تیزی سے کورونا کی ویکسین بنائی ہے اور چند ہفتوں میں دو ویکسین تیار ہوجائیں گی۔
انہوں نے کہا کہ کورونا ویکسین بہت محفوظ اور مؤثر ہے اور یہ سب سے پہلے فرنٹ لائن ورکرز، عمر رسیدہ افراد کو دی جائے گی۔
ان کا کہنا تھا کہ کورونا ویکسین اپریل تک وسیع پیمانے پر عوام کیلئے دستیاب ہوگی۔
انہوں نے کہا کہ کورونا وائرس کے باعث امریکا میں دوبارہ لاک ڈاؤن نہیں کیا جائے گا۔
امریکی صدر سے پریس کانفرنس کے دوران انتخاب میں شکست سے متعلق سوالات پوچھے گئے لیکن وہ جواب دیے بغیر چلے گئے۔
دوسری جانب امریکی صدر کے ساتھ پریس کانفرنس کرتے ہوئے کورونا ویکسین کی تیاری کے ادارے کے سربراہ ڈاکٹر منصف سلاوی کا کہنا تھا کہ اس وقت 6 کورونا ویکسین پر کام ہورہا ہے جس میں سے 4 کا ٹرائل جاری ہے۔
ان کا کہنا تھا کہ دسمبر میں 2 کروڑ امریکیوں کو کورونا ویکسین دی جائے گی اور اتنی ہی تعداد کو اگلے ماہ ویکسین دیں گے۔
خیال رہے کہ گزشتہ دنوں امریکی دوا ساز ادارے فائزر نے دعویٰ کیا تھا کہ اس کی تیارکی گئی کورونا وائرس کی ویکسین 90 فیصد تک مؤثر ہے۔
خبر ایجنسی کے مطابق فائزر نے دعویٰ کیا ہے جرمن دواساز ادارے بائیون ٹیک کے ساتھ مشترکہ طور پر تیارکی گئی ویکسین اپنے تیسرے آزمائشی مرحلے میں کوروناکو روکنے میں 90 فیصد تک مؤثر ثابت ہوئی ہے۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
23 نومبر ، 2024
غزہ پر اسرائیلی بمباری سے مزید 38 فلسطینی شہید
23 نومبر ، 2024
مزید 2 ممالک آئندہ سال شینگن ممالک کا حصہ بننے کو تیار
22 نومبر ، 2024
حزب اللہ کے راکٹ حملے میں اسرائیلی شہری ہلاک
22 نومبر ، 2024
