دنیا
Time 27 نومبر ، 2020

جو بائیڈن کی فتح کی تصدیق ہو جائے تو وائٹ ہاؤس خالی کر دوں گا: ٹرمپ

امریکی صدر ٹرمپ نے کہا ہے کہ انتخابات میں جو بائیڈن کی فتح کی تصدیق ہو جائے تو وائٹ ہاؤس چھوڑ دوں گا۔

صدر ڈونلڈ ٹرمپ نے بلآخر اپنی شکست تسلیم کرنے کا راستہ ڈھونڈ لیا ہے اور ان کا کہنا ہے کہ الیکٹرول کالج کی جانب سے بائیڈن کی فتح کی تصدیق ہو جائے تو صدارتی محل چھوڑ دوں گا، مگر ایسا ہوا تو یہ بڑی غلطی ہو گی۔

صدر ٹرمپ نے پھر یہ الزام دہرایا کہ الیکشن فراڈ تھا اور وہ قانونی کارروائی جاری رکھیں گے اور ہار ماننا آسان کام نہیں ہو گا۔

جو بائیڈن کی تقریب حلف برداری میں شرکت کے حوالے سے پوچھے گئے سوال پر ڈونلڈ ٹرمپ نے جواب دینے سے گریز کرتے ہوئے کہا کہ انہیں اس کا جواب معلوم ہے۔

واضح رہے کہ 3 نومبر کو ہونے والے صدارتی انتخابات میں جوبائیڈن کو صدر ٹرمپ پر ناقابل شسکت سبقت حاصل ہے، جوبائیڈن کے الکٹورل ووٹس کی تعداد 306 جب کہ ٹرمپ کے الیکٹورل ووٹس کی تعداد 232 ہے۔

تمام الیکٹرز اپنی اپنی ریاستوں میں 14 دسمبر کو جمع ہو کر صدر اور نائب صدر کا انتخاب کریں گے۔

مزید خبریں :