بھارتی اداکارہ کورونا وائرس کے باعث انتقال کر گئیں
07 دسمبر ، 2020
ممبئی: بھارتی اداکارہ دیویا بھٹنگر عالمی وبا کورونا وائرس کے باعث جان کی بازی ہار گئیں۔
بھارتی میڈیا کے مطابق ٹی وی انڈسٹری کی معروف اداکارہ دیویا بھٹنگر ایک ہفتے سے کورونا وائرس سے لڑ رہی تھیں اور طبیعت زیادہ بگڑنے پر انہیں وینٹی لیٹر پر منتقل کر دیا گیا تھا۔
34 سالہ اداکارہ کورونا وائرس میں مبتلا ہونے کے ساتھ ساتھ نمونیہ میں بھی مبتلا تھیں اور طبیعت زیادہ بگڑنے پر انہیں 26 نوبر کو اسپتال منتقل کیا گیا تھا۔
اداکارہ دیویا بھٹنگر اسپتال میں داخل ہونے سے قبل کامیڈی شو 'تیرا یار ہوں میں' کی شوٹنگ کر رہی تھیں۔
انہوں نے بھارت کے معروف ٹی وی سیریل 'یہ رشتہ کیا کہلاتا ہے' میں اداکاری کے جوہر دکھائے تھے جب کہ انہوں نے ڈرامہ 'سنسکار اور 'اڑان' میں بھی اداکاری کی تھی۔
