08 دسمبر ، 2020 
عدنان صدیقی نے 'تنہائیاں' ڈرامے کی دھن بجا کر مداحوں کا دل موہ لیا
08 دسمبر ، 2020
شوبز انڈسٹری کے مقبول اداکار عدنان صدیقی کبھی اپنی اداکاری سے سب کا دل جیت لیتے ہیں تو کبھی سریلی بانسری بجا کر مداحوں کو اپنا گرویدہ بنا لیتے ہیں۔
عدنان صدیقی کو متعدد بار بانسری پر مختلف دھن بجاتے ہوئے تو آپ نے دیکھا ہی ہو گا لیکن اس بار انہوں نے پیانو پر 'تنہائیاں' ڈرامے کی دھن بجا کر مداحوں کا دل موہ لیا۔
عدنان صدیقی نے اپنے انسٹاگرام اکاؤنٹ پر ایک ویڈیو شیئرکی جس میں وہ پیانو پر 80 کی دہائی کے ڈرامے 'تنہائیاں' کی دھن بجا رہے ہیں۔
ویڈیو شیئر کرنے کے ساتھ ساتھ عدنان صدیقی نے ایک طویل کیپشن بھی لکھا جس میں انہوں نے کہا کہ نئی نسل کو دھن کے بارے میں معلوم نہیں ہو گا، یہ دھن کلاسک 'تنہائیاں' ڈرامے کی ہے۔
عدنان صدیقی نے بتایا کہ انہیں یہ دھن بے حد پسند ہے اور یہ اسے ہر وقت گنگناتے رہتے ہیں۔
خیال رہے کہ مقبول ڈرامہ سیریل 'تنہائیاں' 1986 میں پاکستان کے سرکاری ٹی وی پر نشر کیا گیا تھا اور اس ڈرامے کی مصنفہ حسینہ معین تھیں۔
مزید خبریں :
علیحدہ گھر میں رہنے کی وجہ سے طلاق کا تناسب بڑھ رہا ہے: منیب بٹ
04 فروری ، 2025
مفتی قوی راکھی ساونت سے شادی کیلئے تیار ہوگئے
03 فروری ، 2025
