12 دسمبر ، 2020 
کراچی: چوری کرتے پکڑے جانے پر گھریلو ملازمہ نے مالکن کو قتل کر دیا
12 دسمبر ، 2020
کراچی کے علاقے گلبرگ میں گھریلو ملازمہ نے چوری کے دوران پکڑے جانے پر گھر کی مالکن کو قتل کر دیا۔
ایس ایس پی سینٹرل ملک مرتضیٰ کے مطابق گلبرگ بلاک 5 میں علی الصبح ملازمہ نے گھر میں چوری کی واردات کرنے کی کوشش کی تاہم اس دوران گھر مالکن 85 سالہ نور جہاں نے ملازمہ کو دوران واردات رنگے ہاتھوں پکڑ لیا۔
پولیس کے مطابق رنگے ہاتھوں پکڑے جانے پر ملازمہ نے مالکن کا گلا گھونٹ دیا جس سے اس کی موت واقع ہو گئی۔
پولیس حکام نے واردات میں ملوث ملازمہ عارفہ اور اس کے شوہر الن کو گرفتار کر لیا۔
پولیس کے مطابق ملزمہ عارفہ چار سال اسی گھر میں نوکری کر رہی تھی اور موسیٰ کالونی کی رہائشی ہے جبکہ واردات کے دوران اس کا شوہر گھر کے باہر انتظار کر رہا تھا، واقعے سے متعلق مزید تفتیش بھی جاری ہے۔
مزید خبریں :
ملک میں گیس کی دستیابی میں بڑی کمی ریکارڈ
36 منٹ پہلے
سندھ میں مرحوم ملازمین کی اولاد کیلئے کوٹہ ختم
1 گھنٹے پہلے
