19 دسمبر ، 2020 
کھیل
فوٹو: پی سی بی
دوسرے ٹی ٹوئنٹی کیلیے قومی ٹیم ہملٹن پہنچ گئی
19 دسمبر ، 2020
پاکستان اور نیوزی لینڈ کے درمیان دوسرا ٹی ٹونٹی کل ہملٹن میں کھیلا جائے گا جس کے لیے قومی ٹیم آکلینڈ سے بذریعہ بس ہملٹن پہنچ گئی۔
تین ٹی ٹونٹی میچز کی سیریز کا دوسرا میچ بھی پاکستانی وقت کے مطابق 11 بجے شروع ہوگا۔
پاکستان ٹی ٹوئنٹی اسکواڈ کی آج ہملٹن میں کوئی مصروفیت نہیں ہے اس لیے کھلاڑی آرام کریں گے جب کہ قومی ٹیم تیسرا ٹی ٹوئنٹی میچ 20 دسمبر کو کھیلے گی۔
خیال رہے کہ پہلے ٹی ٹوئنٹی میچ میں میزبان نیوزی لینڈ نے 5 وکٹوں سے کامیابی حاصل کی، اس طرح نیوزی لینڈ کو ایک صفر سے برتری حاصل ہو گئی ہے۔
پہلے میچ میں پاکستان کا ٹاپ آرڈر مکمل ناکام رہا اس لیے کمبی نیشن میں تبدیلی کا امکان ظاہر کیا جا رہا ہے۔
