21 دسمبر ، 2020 
اداکارہ ثناء خان کو شوہر کی جانب سے شادی کا ایک ماہ مکمل ہونے پر خصوصی تحفہ
21 دسمبر ، 2020
بھارتی فلم انڈسٹری کو خیرباد کہنے والی سابق بھارتی اداکارہ ثناء خان اور مفتی انس شادی کو ایک ماہ مکمل ہوگیا ہے جس پر مفتی انس نے اپنی اہلیہ کو خصوصی تحفہ دیا ہے۔
ثناء خان نے انسٹاگرام اسٹوری پر ایک پوسٹ شیئر کی ہے جس میں وہ اپنے شوہر کی جانب سے تحفے میں ملے موبائل فون پر شکریہ ادا کرتے ہوئےکہہ رہی ہیں کہ ہماری شادی کو ایک ماہ ہوگیا ہے، میری طرف سے آپ کے لیے تحفہ ادھار ہے اچھا۔
خیال رہےکہ اداکارہ ثناء خان نے بالی وڈ کو رواں برس کے آغاز میں خیرباد کہنےکا اعلان کیا تھا اور ان کی عالم دین انس سید سے شادی گزشتہ ماہ نومبر میں ہوئی ہے۔
اپنے ایک حالیہ انٹرویو میں ثناء خان نے شوہر سے ہونے والی پہلی ملاقات کے بارے میں بتایا ہےکہ مفتی انس سے ان کی 2017 میں مکہ مکرمہ میں ملاقات ہوئی تھی، انس نے خود کو مذہبی اسکالر کے طور پر متعارف کرایا تھا جس کے بعد 2018 تک مسلسل رابطے میں رہی اور وقتاً فوقتاً مذہب سے متعلق سوالات پوچھتی رہی، بعد ازاں ہمارا دوبارہ رابطہ رواں برس ہوا اور شادی بھی۔
مزید خبریں :
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
سابق بھارتی اداکارہ ثنا خان کے ہاں دوسرے بچے کی پیدائش متوقع
22 نومبر ، 2024
