کوک اسٹوڈیو 2020: ریپ کنگ بوھیمیا نے اپنی جدوجہد کی داستان بیان کر دی

پاکستان سمیت دنیا بھر میں مقبول ہونے والے میوزک شو کوک اسٹوڈیو کے سیزن 13 میں پنجابی ریپ کنگ بوھیمیا نے میوزک انڈسٹری میں اپنی جدوجہد کی داستان بیان کر دی۔

گزشتہ روز کوک اسٹوڈیو 2020 کی چوتھی قسط جاری کی گئی جس میں پنجابی ریپ کنگ بوھیمیا کا ریپ گانا 'ساری دنیا' ریلیز کیا گیا۔

پنجابی ریپ کنگ بوھیمیا کوک اسٹوڈیو 2020 میں 8 سال بعد نظر آئے ہیں اور ان کا یہ ریپ گانا میوزک انڈسٹری میں ان کی جدوجہد اور ایک فنکار کی شہرت کے زوال کی داستان ہے۔

پنجابی ریپر بوھیمیا کی 8 سال بعد کوک اسٹوڈیو سیزن 13 میں واپسی

کوک اسٹوڈیو کا سیزن 13 پہلے کے تمام تر سیزنز کے مقابلے میں سب سے مختصر ہو گا اور اس میں تقریباً ڈیڑھ ماہ کے اندر 12 گانے ریلیز کیے جائیں گے

اس گانے کو بوھیمیا نے خود ہی لکھا ہے جسے اب تک یوٹیوب پر 3 لاکھ 70 ہزار سے زائد بار دیکھا جا چکا ہے، صارفین کی جانب سے بوھیمیا کے ریپ کو خوب سراہا جا رہا ہے۔

علاوہ ازیں کوک اسٹوڈیو 2020 کی چوتھی قسط میں گلوکارہ صنم ماروی کا گانا 'انبھول' اور اعزاز سہیل کا گانا 'میگھ' بھی ریلیز کیا گیا ہے۔