پشاور: پولیس اہلکاروں کیلئے بلٹ پروف جیکٹ اور ہیلمٹ پہننا لازمی قرار

صوبہ خیبرپختونخوا کے دارالحکومت پشاور میں پولیس اہلکاروں کیلئے دوران ڈیوٹی بلٹ پروف جیکٹس اور ہیلمٹ پہننا لازمی قرار دے دیا گیا۔

پولیس کی جانب سے جاری اعلامیے کے مطابق تھانے کے گیٹ، چیک پوسٹوں، ناکہ بندیوں، رائیڈر اسکواڈ اورپروٹیکشن ڈیوٹی کے دوران پولیس اہلکار بلٹ پروف جیکٹ پہن کرآئیں گے۔

اعلامیے  کے مطابق افسران نفری کو ڈیوٹی پر لگانے سے پہلے بلٹ پروف جیکٹ اور ہیلمٹ دیں گے، بلٹ پروف جیکٹ پہننے سے اہلکار بے خوف ڈیوٹی سرانجام دیتا ہے۔

اعلامیے میں کہا گیا ہے کہ ڈیوٹی کے دوران بلٹ پروف جیکٹ و ہیلمٹ نہ پہننے والے پولیس اہلکاروں اور متلعقہ انچارج کو معطل کیا جائے گا۔