Can't connect right now! retry

کھیل
07 جنوری ، 2021

نیوزی لینڈ کرکٹ بورڈ پاکستان کرکٹ ٹیم کا مشکور

فوٹو: کرکٹ نیوزی لینڈ

نیوزی لینڈ کرکٹ بورڈ نے کورونا کے مشکل حالات میں دورہ کرنے پر پاکستان کرکٹ بورڈ اور اسکواڈ کا شکریہ ادا کیا ہے۔

‏نیوزی لینڈ کرکٹ نے اپنے سوشل میڈیا اکاؤنٹ پر ایک پیغام میں کہا ہے کہ نیوزی لینڈ کرکٹ پاکستان کرکٹ ٹیم کی مشکور ہے جس نے ان مشکل حالات میں نیوزی لینڈ کا دورہ کیا۔

نیوزی لینڈ کرکٹ نے اپنے پیغام میں کہا ہے کہ اس دورے کے لیے پاکستان کرکٹ ٹیم کی دی گئی قربانیوں کو سراہتے ہیں اور آپ کی محفوظ وطن واپسی کے لیے نیک تمنائیں رکھتے ہیں۔

نیوزی لینڈ کرکٹ نے پاکستان اور کیوی کھلاڑیوں کی گراؤنڈ میں مصافحہ کرنے کی تصاویر بھی جاری کی ہیں۔

پاکستان کرکٹ ٹیم نے کووڈ 19 کے سخت پروٹوکولز میں نیوزی لینڈ کا دورہ کیا، 14 روز کا مشکل قرنطینہ مکمل کرنا پڑا، اس دوران بعض کرکٹرز کے کووڈ 19 ٹیسٹ مثبت آنے کی وجہ سے پاکستان اسکواڈ کو ٹریننگ کی اجازت نہ ملی۔

ٹریننگ کی اجازت نہ ملنے کی وجہ سے پاکستان کی نیوزی لینڈ کے خلاف سیریز کی تیاریاں متاثر ہوئیں، تین ٹی ٹوئنٹی میچز کی سیریز نیوزی لینڈ نے دو ایک جبکہ دو ٹیسٹ میچز کی سیریز نیوزی لینڈ نے دو صفر سے جیتی۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM