امریکی صدر ڈونلڈ ٹرمپ کا فیس بک اکاؤنٹ غیر معینہ مدت کیلئے بلاک

فیس بک نے امریکی صدر ڈونلڈ ٹرمپ کا اکاؤنٹ غیر معینہ مدت تک بلاک کردیا۔

ٹرمپ کا فیس بک اکاؤنٹ پہلے کیپٹل ہل پر دھاوا بولنے کی حمایت میں تبصرے پر 24 گھنٹے کیلئے بلاک کیا گیا تھا۔

ٹرمپ کے حامیوں کا پارلیمنٹ پر حملہ، مظاہروں میں 4 افراد ہلاک

ہنگاموں کے بعد واشنٹگن میں کرفیو نافذ کر دیا گیا، پولیس نے کیپیٹل ہل کا کنٹرول سنبھال لیا، مظاہرے میں کئی پولیس اہلکار بھی زخمی ہوئے۔

اس حوالے سے فیس بک کے بانی مارک زکربرگ کا کہنا ہے کہ صدر ٹرمپ کا دھاوا بولنے والوں کی مذمت کے بجائے فیس بک کا پلیٹ فارم حمایت کیلئے استعمال کرنے سے امریکی مضطرب ہوئے، صدر ٹرمپ کو موجودہ صورتحال میں فیس بک استعمال کرنے کی اجازت سے درپیش خطرات بہت زیادہ ہیں۔

انہوں نے کہا کہ ٹرمپ کا فیس بک اکاؤنٹ کم ازکم جوبائیڈن کےصدرکاعہدہ سنبھالنےتک معطل رہےگا۔

جوبائیڈن 20 جنوری کو صدر کے عہدے کا حلف اٹھائیں گے۔