08 جنوری ، 2021 
پاکستان
ہزارہ برادری کے سوگواران کو بلیک میلرز کہنا ہتک آمیز ہے، ہیومن رائٹس کمیشن
08 جنوری ، 2021
انسانی حقوق کمیشن پاکستان نے وزیراعظم عمران خان کے ہزارہ برادری کے دھرنے سے متعلق بلیک میل ہونے کے بیان پر حیرت کا اظہارکیا ہے۔
اپنے بیان میں کمیشن نے کہا کہ متاثرین کا تحفظ اور ان کے مطالبات ماننا وزیراعظم کے فرائض منصبی میں شامل ہے۔
سوشل میڈیا پر بیان میں انسانی حقوق کمیشن کا کہنا تھا کہ ہزارہ برادری طویل عرصے سے زیادتیوں اور نسل کشی کا شکار ہے، ہزارہ برادری کے سوگواران کو بلیک میلرز کہنا ہتک آمیز ہے۔
کمیشن نے کہا کہ ہزارہ برادری کا تحفظ اور ان کے مطالبات کا احترام کرنا وزیراعظم کے فرائض میں شامل ہے، ریاست پاکستان ہزارہ برادری کی زندگیوں اور ان کی آزادی کا تحفظ کرنے کے لیے فوری اقدامات کرے۔
