09 جنوری ، 2021
دنیا بھر میں ہر خطے اور ہر ملک کے پکوان ایک دوسرے سے کافی حد تک مختلف ہوتے ہیں اور آج ہم آپ کو برطانیہ کی ایک انوکھی ڈِش کے بارے میں بتائیں گے۔
آج ہم آپ کو برطانیہ کے مشہور 'اسٹارگیزے پائے' کے بارے میں بتائیں گے جس میں آ پ کو مچھلی کے آدھے سِر باہر آتے نظر آ رہے ہوں گے۔
انگلینڈ مختلف اقسام کے پائے کے حوالے سے بے حد مشہور ہے، یہاں ایپل پائے، پوٹ پائے اور دیگر چیزوں سے بنے پائے بے حد مشہور ہیں۔
لیکن آج ہم آپ کو جس پائے کے بارے میں بتائیں گے اس میں اوپر سرڈائن مچھلی کے سر اور دُم باہر نکلی ہوئی نظر آتی ہے۔
یہ 16ویں صدی کی بات ہے جب شدید سردیوں میں انگلینڈ کے ایک گاؤں میں لوگوں کے پاس کھانے کو کچھ نہیں تھا تو وہاں کے ایک مقامی شخص نے سب لوگوں کی جان بچائی۔
مقامی مچھیرا ٹوم باؤکوک شدید سردی اور طوفانی موسم میں اپنی کشتی لے کر سمندر میں اترا اور اس نے مختلف سمندری حیات کا شکار کرکے ایک بڑا پائے تیار کیا جس سے مچھلی کے سر نظر آرہے تھے تاکہ لوگوں کو ایسا لگے کہ اس کے اندر مچھلی ہی موجود ہے۔
اب ہر سال 23 دسمبر کو اس مچھیرے کی یاد میں یہ دن منایا جاتا ہے اور اس دن ایسا پائے تیار کیا جاتا ہے جس میں سے مچھلی کے سر باہر نکلے ہوئے نظر آتے ہیں۔
اس دن کو 'ٹوم باؤکوک ایو' کے نام سے ہر سال منایا جاتا ہے۔