Can't connect right now! retry

پاکستان
18 جنوری ، 2021

کراچی: پولیس اہلکار بلٹ پروف جیکٹ کے بغیر ملزمان سے لڑنے پر مجبور

فائل فوٹو

کراچی: یوسف گوٹھ کے قریب مبینہ پولیس مقابلے میں پولیس اہلکار 3گولیاں لگنے سے زخمی ہوگیا جب کہ ملزمان فرار ہوگئے۔

پولیس کے مطابق حب ریور روڈ پر یوسف گوٹھ ٹرمینل کے قریب 2 موٹرسائیکلوں پر سوار 4 پولیس اہلکارگشت پر مصروف تھے کہ موٹرسائیکل پر سوار 2 مشکوک افراد کا پیچھا کیا اور انہیں روکنے کی کوشش کی تو ملزمان نے پولیس پر فائرنگ کردی۔

پولیس کا کہنا ہےکہ ملزمان کی فائرنگ سے اہلکار نادر مگسی سینے اور جسم پر 3 گولیاں لگنے سے زخمی ہوگیا جب کہ ملزمان گلیوں میں تاریکی کا فائدہ اٹھاتے ہوئے فرار ہوگئے۔

پولیس کے مطابق زخمی اہلکار کو پہلے سول اسپتال پھر اسٹیڈیم روڈ پر واقع نجی اسپتال منتقل کیا گیا، مقابلے کے وقت زخمی اہلکار نے بلٹ پروف جیکٹ نہیں پہنی ہوئی تھی۔

ایک اہلکار نے نام نہ ظاہر کرنے کی شرط پر بتایا کہ تھانے میں بلٹ پروف جیکٹس کی کمی ہے، اگر 15 اہلکار ڈیوٹی پر ہیں تو صرف 5،6 کے لیے بلٹ پروف جیکٹس دستیاب ہیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM