Can't connect right now! retry

دنیا
18 جنوری ، 2021

بائیڈن صدارت کے پہلے دن مسلم ممالک سے متعلق کیا اہم حکم جاری کریں گے؟

امریکی میڈیا کے مطابق بائیڈن 20 جنوری کو عہدے کا حلف اٹھانے کے بعد پہلے ہی روز متعدد ایگزیکٹو آرڈرز پر دستخط کرنے کا ارادہ رکھتے ہیں— فوٹو: فائل

امریکا کے نومنتخب صدر جو بائیڈن اپنی صدارت کے پہلے روز مسلم ممالک پر سفری پابندیوں کے خاتمے، پیرس ماحولیاتی معاہدے میں دوبارہ شمولیت کے علاوہ درجنوں ایگزیکٹو آرڈرز پر دستخط کریں گے۔

امریکی میڈیا کے مطابق بائیڈن 20 جنوری کو عہدے کا حلف اٹھانے کے بعد پہلے ہی روز متعدد ایگزیکٹو آرڈرز پر دستخط کرنے کا ارادہ رکھتے ہیں جن میں ٹرمپ کی جانب سے لگائی گئی مسلم ممالک کے خلاف سفری پابندیوں کے خاتمے، پیرس ماحولیاتی معاہدے میں دوبارہ شامل ہونے، کورونا وبا کے دوران غیرملکی طلبہ کی بےدخلی روکنے اور تمام وفاقی عمارتوں میں ماسک کی پابندی کے احکامات شامل ہوں گے۔

بائیڈن اپنے دور صدارت کے پہلے 100 روز میں کانگریس میں امیگریشن سے متعلق جامع منصوبہ پیش کرنے کا بھی ارادہ رکھتے ہیں جس کے تحت امریکا میں دستاویزات کے بغیر موجود لاکھوں تارکین وطن کے لیے امریکی شہریت ملنے کی راہ ہموار ہوجائے گی۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM