22 جنوری ، 2021 
اداکارہ درفشاں ماہرہ خان سے مل کر کیوں روپڑیں؟
22 جنوری ، 2021
چھوٹے سے عرصے میں پاکستان ڈرامہ انڈسٹری میں مقبولیت پانے والی اداکارہ درفشاں کا کہنا ہے کہ وہ سپر اسٹار ماہرہ خان سے جب پہلی بار ملیں تو رونے لگ گئی تھیں۔
اداکارہ درفشاں نے حال ہی میں ایک ویب انٹرویو کے دوران بتایا کہ وہ ماہرہ کی بہت بڑی فین ہیں۔
اداکارہ نے نجی ٹی وی چینل پر نشر کیے جانے والے ماہرہ کے مقبول ڈرامے کا ذکر کرتے ہوئے کہا کہ جب ماہرہ کا ڈرامہ نشر ہوا تب ہی میں نے فیصلہ کیا کہ میں نے یہی کرنا ہے۔
درفشاں نے بتایا کہ انہیں ابھی تک یاد ہے کہ جب وہ پہلی بار ماہرہ خان سے ملیں تو انہوں نے رونا شروع کردیا تھا جس پر ماہرہ نے پوچھا کہ تم رو کیوں رہی ہو۔
اداکارہ کا کہنا تھا کہ میری ماہرہ سے پہلی ملاقات میرا پہلے ڈرامہ سیریل نشر ہونے سے پہلی ہوئی تھی اور وہ کسی نہ کسی طرح میرے لیے اداکاری میں آنے کی انسپریشن ہیں۔
مزید خبریں :
شاہ رخ اپنی تینوں اولادوں میں کس کو زیادہ ترجیح دیتے ہیں؟
03 نومبر ، 2024
