26 جنوری ، 2021 
پاکستان
دونوں گاؤں میں 2 موروں کی لاشیں اور دو بیمار بچے ملے تھے، ڈپٹی کنزرویٹر— فوٹو:فائل
تھرپارکر میں مور مرنے لگے
26 جنوری ، 2021
سندھ کے ضلع تھرپارکر کے علاقوں میں موروں کی اموات ہونے لگیں جس پر محکمہ جنگلی حیات کی ٹیم تھرپارکر پہنچ گئی۔
تھرپارکر کے گاؤں کھارو بجیر اور بھکوؤ کے مکینوں کا کہنا ہے کہ تھر میں 20 مور ہلاک ہوگئے۔
ڈپٹی کنزرویٹر میر اعجاز ٹالپر کا کہنا ہے کہ دونوں گاؤں میں 2 موروں کی لاشیں اور دو بیمار بچے ملے تھے جنہیں کراچی لے جا کر ٹیسٹ کروائے ہیں۔
ان کا کہنا ہے کہ بیمار مور کے بچوں کی رپورٹ کے مطابق خوراک کی کمی کے ساتھ سردی لگی ہے جبکہ مرنے والے موروں کی رپورٹ آنا باقی ہے
