27 جنوری ، 2021 
پاکستان
فائل فوٹو
سینیٹ الیکشن میں آصف زرداری پر نظر رکھنے کی ضرورت ہے: فردوس عاشق
27 جنوری ، 2021
لاہور: وزیر اعلی پنجاب کی معاون خصوصی فردوس عاشق اعوان نے کہا ہے کہ سینیٹ الیکشن میں آصف زرداری پر نظر رکھنے کی ضرورت ہے کیونکہ وہ پچھلے الیکشن میں کام دکھا چکے ہیں۔
صوبائی وزیر لائیو اسٹاک حسنین بہادر دریشک کے ہمراہ پریس کانفرنس کرتے ہوئے فردوس عاشق اعوان نے کہا کہ ہم (ن) لیگ کے بیانیے کو گھر بھیجنا چاہتے ہیں، ممبران پارلیمنٹ کو نہیں، شہباز شریف حب الوطنی کے تحت نہیں ، کرپشن کے الزامات پر جیل میں ہیں۔
انہوں نے کہا کہ کوشش ہے سینیٹ الیکشن میں وہ بکرا منڈی نہ لگے جو ہمیشہ لگتی ہے، الیکشن میں آصف زرداری پر نظر رکھنے کی ضرورت ہے کیونکہ وہ پچھلے الیکشن میں کام دکھا چکے ہیں اور ماضی میں مسلم لیگ (ن) کو بلوچستان میں چونا لگا چکے ہیں۔
