پی سی بی نے پی ایس ایل میں تماشائیوں کو اسٹیڈیم لانےکیلئے حکومت سے اجازت مانگ لی

time 01 فروری ، 2021

پاکستان سپر لیگ( پی ایس ایل) کے چھٹے ایڈیشن میں کراؤڈ(تماشائیوں) کی اجازت ہوگی یا نہیں؟ فیصلہ رواں ہفتے ہوجائےگا۔

پاکستان سپر لیگ کا چھٹا ایڈیشن 20 فروری سے شروع ہوگا، ٹورنامنٹ کے ابتدائی میچز کراچی اور بقیہ میچز لاہور میں ہوں گے۔

پی سی بی نےلیگ کے دوران تماشائیوں کی محدود تعداد میں اجازت کے لیے حکومت سے اجازت طلب کی ہوئی ہے، اس سلسلے میں پیر کو پاکستان کرکٹ بورڈ کے چیف آپریٹنگ آفیسر وسیم خان نے بھی نیشنل کمانڈ آپریشن سینٹر (این سی او سی) حکام سے ملاقات کی اور انہیں پاکستان کرکٹ بورڈ کی جانب سے پوری صورت حال پر بریف کیا۔

وسیم خان نے جیو نیوز سے گفتگو میں تصدیق کی کہ انہوں نے این سی او سی حکام سے ملاقات کی اور وہ اس سلسلے میں جمعرات تک جواب ملنے کے لیے پر امید ہیں۔

ذرائع کا کہنا ہے کہ پاکستان کرکٹ بورڈ ، پی ایس ایل 6کے دوران 20 سے 40 فیصد تماشائیوں کو میدان میں لانا چاہتا ہے، این سی او سی اس حوالے سے مختلف پہلوؤں پر غور کررہی ہے اور باہمی مشاورت کے بعد پی سی بی کو فیصلے سے آگاہ کرے گی۔

اجازت ملنے کی صورت میں پاکستان کرکٹ بورڈ فوری طور پر ٹکٹوں کی فروخت کے عمل کی جانب بڑھے گا اور اس کام کے لیے پی سی بی کی مختلف کمپنیوں سے بات چیت جاری ہےجب کہ باضابطہ ٹینڈرز بھی طلب کرلیے گئے ہیں۔

ذرائع کا کہنا ہے کہ این سی او سی سے اجازت ملنے کی صورت میں گراؤنڈ آنے والے تماشائیوں کو سختی سے ایس او پیز پر عمل کرنا ہوگا۔

مزید خبریں

پاکستان سپر لیگ کی گورننگ کونسل کا اجلاس آج ہوگا

افغانستان سے ٹی ٹوئنٹی سیریز میں شکست پر محمد رضوان نے کیا کہا؟

پی ایس ایل 8 کی ٹرافی واہگہ بارڈر پہنچ گئی

پی ایس ایل فائنل میں امپائر کیساتھ نازیبا گفتگو، منیجر ملتان سلطانز پر پابندی عائد

لاہور قلندرز کے انگلش کھلاڑی سیم بلنگز کی رمضان کی مبارکباد

وسیم اکرم نے پی ایس ایل 8 کا احاطہ کرتی میمز شیئر کر دیں

تمام خبریں دیکھیں

پوائنٹس ٹیبل

ٹیم	میچ	پوائنٹ
لاہور قلندرز	10	14
ملتان سلطان	10	12
اسلام آباد یونائیٹڈ	10	12
پشاور زلمی	10	10
کراچی کنگز	10	6
کوئٹہ گلیڈی ایٹرز	10	6

@geonews_sport

Tweets by geonews_sport

@thePSLt20