04 فروری ، 2021 
پاکستان
فوٹو: فائل
جعلی اکاؤنٹ بنا کر پاکستانیوں کو لوٹنے والے غیر ملکیوں کے ریمانڈ میں 14 روز کی توسیع
04 فروری ، 2021
لاہور کی مقامی عدالت نے جعلی فیس بک اکاؤنٹ بنا کر پاکستانی عوام کو لوٹنے والے 5 نائجیرین باشندوں کو مزید 14 روز کے جوڈیشل ریمانڈ پر جیل حکام کے حوالے کر دیا۔
ایف آئی اے کےمطابق پانچ نائجیرین ملزمان کو 14 روزہ جوڈیشل ریمانڈ مکمل ہونے پر عدالت میں پیش کیا گیا۔
ملزمان نے سوشل میڈیا پر جعلی اکاؤنٹ بنا کر ایک شخص سے 20 لاکھ روپے ہتھیا لیے تھے، ملزمان جعلی اکاؤنٹ پر خود کو غیر ملکی آرمی خاتون آفیسر ظاہر کرتے تھے۔
پانچوں ملزمان کو مزید 14 روز کے جوڈیشل ریمانڈ پر جیل حکام کے حوالے کر دیا گیا ہے۔
