06 فروری ، 2021 
دُلہن کا پوز بنانے پر دولہا نے فوٹوگرافر کو تھپڑ دے مارا
06 فروری ، 2021
اکثر لوگ شادی میں فوٹو گرافرز کے انوکھے پوز سے پریشان ہو جاتے ہیں اور اب حال ہی میں سوشل میڈیا پر ایک دولہا اور دلہن کی ویڈیو وائرل ہو رہی ہے۔
سوشل میڈیا پر ایک جوڑے کی ویڈیو وائرل ہو رہی ہے جس میں دیکھا جا سکتا ہے کہ اسٹیج پر دولہا اور دلہن کے ساتھ فوٹوگرافر موجود ہے۔
ویڈیو میں دیکھا جا سکتا ہے کہ فوٹوگرافر دُلہن کو الگ الگ پوز بتا رہا ہوتا ہے اور اتنے میں دولہا طیش میں آجاتا ہے اور فوٹوگرافر کو ایک تھپڑ رسید کرتا ہے۔
دولہا جیسے ہی فوٹو گرافر کو تھپڑ مارتا ہے تو دلہن یہ سب دیکھ کر اتنا ہنستی ہےاور ہنستے ہنستے ہو ئے زمین پر ہی بیٹھ جاتی ہے۔
بعدازاں دُلہن کے قہقہوں سے دولہا اور فوٹوگرافر بھی ہنسنے لگتا ہے، اس ویڈیو سے سوشل میڈیا صارفین بھی محظوظ ہو رہے ہیں۔
ٹوئٹر پر اس ویڈیو پر اب تک 45 ہزار سے زائد لائیکس اور 12 ہزار سے زائد لوگوں کی جانب سے کمنٹس کیے جا چکے ہیں۔
