بھارت میں اب کتے کورونا وائرس کی تشخیص کریں گے

بھارت میں اب ماہر کتے کورونا وائرس کا سراغ لگائیں گے جس کے لیے ان کتوں کو خصوصی تربیت دی گئی ہے۔

بھارتی فوج میں موجود دو کتوں کو خاص طور پر اس کام کیلئے تیار کیا گیا ہے جس کا مقصد روایتی طریقوں سے کورونا کی تشخیص میں ہونے والی تاخیر کو کچھ کم کیا جاسکے۔

اسامہ کا سراغ لگانے والے کتوں کی نسل کے 17 پِلے بھارتی فورس میں شامل

بھارت میں ان پلوں کو بھارتی نام دینے کی خصوصی تقریب بھی ہوئی اور یہ پہلا موقع ہے کہ کتوں کو مقامی نام دیے گئے ہیں

ابتدائی طور پر بھارتی فوج نے ان کتوں کو دہلی میں اپنے ٹرانزٹ کیمپ میں تعینات کیا ہے جہاں سے فوجی پورے ملک میں تعیناتی کیلئے بھیجے جاتے ہیں۔

یہ کتے پیشاب اور پسینے کی بو سونگھ کر کورونا وائرس کا سراغ لگاتے ہیں۔ اس حوالے سے ڈاگ ٹریننگ فیسلٹی کے انسٹرکٹر لیفٹیننٹ کرنل سریندر سائنی کا کہنا ہے کہ بھارت میں پہلی بار کتوں کو کسی بیماری کی تشخیص کیلئے استعمال کیا جارہا ہے۔

انہوں نے بتایا کہ برطانیہ، فرانس، امریکا، روس، جرمنی، لبنان، متحدہ عرب امارات اور دیگر ممالک میں پہلے ہی کووڈ 19 کی تشخیص میں کتوں کی مدد حاصل کی جارہی ہے۔