پشاور بی آرٹی کی ایک اور بس خراب ہونےکی ویڈیو وائرل

پشاور کے بورڈ بازار کے قریب  پشاور بس ریپڈ ٹرانزٹ (بی آر ٹی) کی ایک اور بس خراب ہونے کی ویڈیو وائرل ہوگئی۔

 بس خراب ہونے پر مسافروں کو بس سے اتار کر دوسری بس میں سوار کیاگیا اور خراب بس کو کرین کے ذریعے چمکنی ڈپو منتقل کردیا گیا۔

افتتاح کے دوسرے ہی روز پشاور بی آر ٹی کی بس خراب ہوگئی

ویڈیو میں ایک مسافر کہہ رہا ہے کہ منصوبے کے افتتاح کا آج دوسرا روز ہے اور بس خراب ہونے سے مسافر تپتی دھوپ میں پیدل جارہے ہیں

 ترجمان ٹرانس پشاور نے بس خراب ہونے کی تردیدکرتے ہوئے کہا ہےکہ اسٹیشن کے قریب مین ہول کا ڈھکن اکھڑنے کے باعث بس رک گئی تھی۔