13 فروری ، 2021 
پاکستان
کراچی کور کے فوجیوں کی صحرائے تھر میں جدار الحدید مشق میں شرکت
13 فروری ، 2021
کراچی کور کے فوجیوں نے صحرائے تھر میں جدار الحدید مشق میں شرکت کی۔
پاک فوج کے شعبہ تعلقات عامہ (آئی ایس پی آر) کے مطابق مشقیں چھور کے علاقے سے 74کلومیٹر دور روایتی آپریشن کے تحت جاری ہیں جن کا آغاز 28 جنوری سے ہوا۔
آئی ایس پی آر نے بتایا کہ کراچی کور کے فوجیوں کی صحرائے تھر میں جدار الحدید مشق میں شرکت کی اور فوجیوں کو ٹیکٹیکل ڈرلز اور پروسیجر کی تربیت دی گئی۔
آئی ایس پی آر کے مطابق دفاعی مشق 4 ہفتوں پر مشتمل ہے جس کا مقصد صحرا میں دفاع کو مزید مستحکم کرنا ہے، یہ مشق انتہائی سخت صحرائی حالات میں کی جا رہی ہے۔
آئی ایس پی آر کا کہنا ہے کہ کہ کراچی کورکی مشقیں 28 فروری کواختتام پذیرہوں گی۔
