15 فروری ، 2021 
کراچی میں اسٹریٹ کرائمز میں اضافہ ہوگیا
15 فروری ، 2021
کراچی کے علاقے زمان ٹاؤن میں ڈکتیی مزاحمت پر فائرنگ سے پاک فوج کا جوان زخمی ہو گیا۔
پولیس کے مطابق کراچی کے علاقے کورنگی میں زمان ٹاؤن میں ڈکیتی مزاحمت پر پاک فوج کا اہلکار توقیر پیر میں گولی لگنے سے زخمی ہوا۔
دوسری جانب شہر قائد میں اسٹریٹ کرمنلز گاڑی میں وارداتیں کرنے لگے، گلبرگ بلاک 12 میں ملزمان نے گھر کے دروازے پر دو شہریوں کو لوٹ لیا۔
واردات کی سی سی ٹی وی فوٹیج منظر عام پر آگئی، فوٹیج میں سرخ گاڑی کو گلی کا چکر لگاتے دیکھا جاسکتا ہے۔
فوٹیج میں گاڑی سے ملزمان کو اترتے دیکھا جاسکتا ہے اور ملزمان نے گاڑی میں بیٹھے اور گلی میں کھڑے شہری کو لوٹاجب کہ ملزمان کو واردات کے بعد با آسانی فرار ہوتے دیکھا جاسکتا ہے۔
علاوہ ازیں سی سی ٹی وی فوٹیج میں ملزمان کو واضح دیکھا جاسکتا ہے۔
