13 ستمبر ، 2013 
کراچی: گزری اور اتحاد ٹاؤن سے اسٹریٹ کرائم میں ملوث10 ملزمان گرفتار
13 ستمبر ، 2013
کراچی…کراچی کے علاقوں گزری اور اتحاد ٹاوٴن میں پولیس نے مختلف کارروائیوں میں اسٹریٹ کرائم میں ملوث 10 ملزم گرفتار کر لیے ہیں۔ ایس پی کلفٹن سرفراز نواز نے بتایا کہ گزری کے علاقے میں راحت کمرشل کے قریب سے 3 ملزمان کو گرفتار کرکے اسلحہ برآمد کر لیا گیا ہے،تینوں ملزم اسٹریٹ کرائم اور شہریوں سے لوٹ مار کی وارداتوں میں ملوث تھے، اس سے قبل بھی گزری تھانے کی پولیس نے ایک اور کارروائی کے دوران 2 ملزمان کو رنگے ہاتھوں گرفتار کرلیا تھا،ملزمان کے قبضے سے 2 پستول اور چھینے گئے موبائل فونز بھی ملے ہیں۔ادھر بلدیہ ٹاوٴن کے علاقے اتحاد ٹاوٴن میں پولیس نے کارروائی کرتے ہوئے 5 ملزمان کو گرفتار کرلیا، گرفتار ملزمان اسٹریٹ کرائم اور منشیات فروشی میں ملوث ہیں، ملزمان کے قبضے سے اسلحہ اور منشیات بھی برآمد ہوئی ہے۔
