15 فروری ، 2021 
منال نے احسن محسن سے محبت کا اقرار کر لیا
15 فروری ، 2021
اداکارہ منال خان اور اداکار احسن محسن اکرام کو اکثر مقامات پر ساتھ دیکھا گیا ہے جب کہ دونوں سوشل میڈیا پر ایک ساتھ تصاویر اپ لوڈ کرنے سے بھی نہیں کتراتے۔
گزشتہ دنوں سوشل میڈیا پر احسن محسن اکرام کی دادی کی سالگرہ کی تصاویر خوب وائرل ہو رہی تھیں جس میں منال احسن کی دادی کو سرپرائز دیتی ہیں۔
وائرل ہونے والی تصاویر میں احسن محسن کی پوری فیملی کے ساتھ اداکارہ منال خان کو دیکھا گیا تھا جب کہ منال کی احسن کے والد اور والدہ کے ساتھ بھی تصاویر سامنے آئیں۔
تاہم اداکاہ منال خان اور احسن محسن کی جانب سے ایک دوسرے کو پسند کرنے سے متعلق سوشل میڈیا پر گردش کی جانے والی قیاس آرائیوں کے حوالے سے خاموشی ہی اختیار کی گئی ہے۔
اب حال ہی میں ویلنٹائنز ڈے کے موقع پر اداکارہ منال خان کی انسٹاگرام پوسٹ نے سب کو حیران کر دیا ہے۔
منال نے ویلینٹائنز ڈے کے موقع پر احسن محسن کے ساتھ ایک تصویر شیئر کی جس میں وہ لال رنگ کا دل کی طرح دکھنے والا غبارہ بھی پکڑی ہوئی ہیں۔
تصویر کے کیپشن میں منال نے ایک کوٹیشن لکھی کہ 'لو از ان دی ائیر' اور ساتھ ہی انہوں نے لکھا کہ سادہ اور میٹھا۔
اس پوسٹ میں منال خان نے باقاعدہ طور پر احسن محسن سے محبت کا اظہار تو نہیں کیا لیکن اس سے یہ اندازہ ضرور ہو رہا ہے کہ دونوں ایک دوسرے کی محبت میں گرفتار ہیں۔
اداکارہ منال خان کی اس پوسٹ پر پاکستان انٹرٹینمنٹ انڈسٹری کی ادکاراؤں کی جانب سے انہیں مبارکباد بھی دی جا رہی ہے۔
مزید خبریں :
امریکی اداکار جان کراسنسکی سال 2024 کے پرکشش مرد قرار
13 نومبر ، 2024
امیتابھ بچن کا نمرت کور کو لکھا گیا خط وائرل، خط میں کیا لکھا؟
13 نومبر ، 2024
سلمان خان کو دھمکی دے کر 5 کروڑ مانگنے والا نغمہ نگار گرفتار
13 نومبر ، 2024
اداکارہ ہانیہ عامر نے شاہ رخ خان سے ملاقات کی خواہش کردی
13 نومبر ، 2024
