Can't connect right now! retry

کھیل
20 فروری ، 2021

کرکٹرز کو میڈیا ٹریننگ کی ضرورت ہے: چیئرمین پی سی بی

فوٹو: فائل

پاکستان کرکٹ بورڈ کے چئیرمین احسان مانی کا کہنا ہے کہ قومی کرکٹرز کو میڈیا ٹریننگ کی ضرورت ہے اور انہیں سوشل میڈیا کے استعمال کے حوالے سے محتاط ہونا پڑے گا۔

سوشل میڈیا پر سابق کپتانوں محمد حفیظ اور سرفراز احمد کے درمیان ہونے والی بحث اور پھر تنازع بننے پر پاکستان ٹیم منجمنٹ کو مداخلت کرنا پڑی کیونکہ پی سی بی کے اعلیٰ عہدیدار اس واقعے پر خوش نہیں تھے۔

کرکٹرز کی وجہ سے پیدا ہونے والے تنازعات کے حوالے سے پوچھے جانے والے ایک سوال کے جواب میں چیئرمین پی سی بی احسان مانی نے کہا کہ حفیظ اور سرفراز والا معاملہ مس انڈر اسٹینڈنگ تھی، حفیظ نے جو بات کی تھی اس پر انہیں ردعمل ملا۔

احسان مانی نے کہا میں سمجھتا ہوں کہ کھلاڑیوں کو میڈیا ٹریننگ کی ضرورت ہے، جب وہ سوشل میڈیا پر جاتے ہیں تو ساری دنیا انہیں دیکھ رہی ہوتی ہے، انہیں مختلف جواب ملتے ہیں اس پر تبصرے ہوتے ہیں، بحث شروع ہوجاتی ہے اور چیزیں آپ کے کنٹرول میں نہیں رہتیں۔

چیئرمین پی سی بی کا کہنا تھا کہ ہمیں اس پر کرکٹرز کو میڈیا ٹریننگ دینی ہے کہ چیزوں کو کیسے کنٹرول کرنا ہے، کیا طریقہ اختیار کرنا ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM