چینی کمپنی شیاؤمی نے اپنی کار تیار کرنے کی منصوبہ بندی شروع کر دی

اسمارٹ فون تیار کرنے والے معروف چینی ٹیکنالوجی کمپنی شیاؤمی نے اب آٹو انڈسٹری میں بھی اپنے قدم جمانے کا فیصلہ کیا ہے۔ 

آئی فینگ نیوز کی تازہ ترین رپورٹ کے مطابق چینی کمپنی شیاؤمی کار تیار کرنے کی منصوبہ بندی کر رہی ہے۔

رپورٹ کے مطابق شیاؤمی کے چیف ایگزیکیٹو آفیسر (سی ای او) لی جُن کار کی تیاری کے پروجیکٹ کی براہ راست نگرانی کر رہے ہیں۔

چینی کمپنی نے اس معاملے پر کسی بھی قسم کا بیان دینے سے گریز کیا ہے اور یہ توقع کی جا رہی ہے کہ کمپنی تمام تر چیزوں کو حتمی شکل دینے کے بعد ہی اس حوالے سے کوئی اعلان کرے گی۔