21 فروری ، 2021 
پاکستان
این اے 221 میں ضمنی الیکشن: گورنمنٹ بوائز اسکول میں قائم پولنگ اسٹیشن میں آگ لگ گئی
21 فروری ، 2021
این اے 221 تھرپارکر ون میں ہونے والے ضمنی الیکشن کے دوران گورنمنٹ بوائز پرائمری اسکول میں قائم پولنگ اسٹیشن میں آگ لگ گئی۔
پولیس کے مطابق پولنگ کے دوران آگ کیسرار سموں میں گورنمنٹ بوائز پرائمری اسکول میں قائم پولنگ اسٹیشن میں لگی۔
ایس ایس پی تھرپارکر حسن سردار کا کہنا ہے کہ آگ حادثاتی طور پر لگی ہے، آگ لگنے سے بیلٹ باکس جل گئے، لیکن بیلٹ پیپر محفوظ رہے۔
ایس ایس پی حسن سردار کا کہنا ہے کہ آگ لگنے کے واقعے سے پولنگ کا عمل متاثر ہوا ہے، الیکشن کمیشن کو آگاہ کر دیا ہے۔
