25 فروری ، 2021 
این اے 75 ڈسکہ: حکومت ری پولنگ کے فیصلے کیخلاف سپریم کورٹ میں اپیل کرے گی
25 فروری ، 2021
این اے 75 ڈسکہ میں دوبارہ الیکشن کرانے کے الیکشن کمیشن کے فیصلے کیخلاف حکومت نے اپیل کرنے کا فیصلہ کیا ہے۔
وزیر اعظم عمران خان کی زیر صدارت پارٹی ترجمانوں کے اجلاس میں فیصلہ کیا گیا کہ علی اسجد الیکشن کمیشن کے فیصلے کو سپریم کورٹ میں چیلنج کریں گے۔
الیکشن کمیشن نے این اے 75 کے ضمنی الیکشن کو کالعدم قرار دیتے ہوئے وہاں 18 مارچ کو دوبارہ الیکشن کرانے کا فیصلہ کیا ہے۔
اس حوالے سے وزیراعلیٰ پنجاب کی معاون خصوصی فردوس عاشق اعوان کا کہنا ہے کہ ڈسکہ ضمنی الیکشن پر الیکشن کمیشن کےفیصلے پر ہمارے تحفظات ہیں، فیصلے کے خلاف سپریم کورٹ میں اپیل کریں گے، فاتح امیدوار کو حلقے کی نمائندگی سے روکنا سمجھ سےبالاتر ہے۔
الیکشن کمیشن نے این اے 75 کا ضمنی انتخاب کالعدم قرار دے کر 18مارچ کو پورے حلقے میں دوبارہ انتخاب کرانے کا حکم دیا ہے۔
