27 فروری ، 2021 
شرعی لحاظ سے مسلمانوں کا پیسہ مندر پر نہیں لگ سکتا، سراج الحق
27 فروری ، 2021
جماعت اسلامی پاکستان کے امیر سینیٹر سراج الحق نے کہا ہے کہ شرعی لحاظ سے مسلمانوں کا پیسہ مندر پر نہیں لگ سکتا۔
ملتان میں پریس کانفرنس کرتے ہوئے سراج الحق نے حکومت کو تنقید کا نشانہ بنایا اور کہاکہ حکومت نے سینیٹ الیکشن میں ٹکٹ زر کی بنیاد پر دیا ہے، پی ٹی آئی کے آدمی نے خود کہا کہ 35 کروڑ روپے میں سینیٹ ٹکٹ دیا گیا ہے۔
ان کا کہنا تھاکہ موجودہ حکومت کو مزيد ایک ہزار دن بھی مل جائيں تو یہ کچھ نہیں کرسکتی، سوچنا ہوگا کورونا نے زیادہ نقصان پہنچایا یا اس حکومت نے؟
امیر جماعت اسلامی کا کہنا تھاکہ پی ٹی آئی جن کا احتساب کرنا چاہتی تھی، آج وہ ان کی حکومت میں ہیں۔
ان کا کہنا تھا کہ شرعی لحاظ سے مسلمانوں کا پیسہ مندر پر نہیں لگ سکتا، مندر کی تعمیر کیلئے کوئی وزیر اپنی جیب سے پیسہ دیتا ہے تو اس کی مرضی ہے۔
