06 مارچ ، 2021 
بیٹی کی شاہین شاہ سے منگی کا معاملہ، شاہد آفریدی کے اہل خانہ کا مؤقف آگیا
06 مارچ ، 2021
پاکستانی کرکٹ ٹیم کے اسٹار فاسٹ بولر شاہین شاہ آفریدی نےعالمی شہرت یافتہ کرکٹر شاہد خان آفریدی کی بیٹی کا رشتہ مانگا ہے۔
دونوں خاندانوں کے در میان معاملات طے پاگئے ہیں لیکن منگنی کی تقریب کیلئے کچھ وقت مانگا گیا ہے۔
شاہین شاہ آفریدی کے والد ایاز خان نے میڈیا کو بتایا کہ دونوں خاندانوں کے دیرینہ تعلقات ہیں، شاہد آفریدی کے اہل خانہ نے رشتے پر رضامندی ظاہر کی ہے، منگنی کی رسم جلد ہوگی۔
اس حوالے سے شاہد آفریدی کے اہل خانہ نے نمائندہ جیو کو بتایا کہ شاہین شاہ آفریدی اور شاہد آفریدی کی بیٹی کے رشتے کے سلسلے میں گزشتہ دو سال سے بات چیت چل رہی ہے۔
شاہد آفریدی کے اہل خانہ نے بتایا کہ چونکہ شاہین شاہ آفریدی کرکٹ کھیل رہے ہیں اور شاہد آفریدی کی بیٹی پڑھ رہی ہیں اس لیے منگنی کا باضابطہ اعلان کچھ عرصے بعد کیا جائے گا۔
شاہد آفریدی کے اہل خانہ کا کہنا ہے کہ دو سال میں منگنی اورشادی کی تقاریب ایک ساتھ ہوسکتی ہیں۔
ذرائع کا کہنا ہے کہ شاہد خان آفریدی سوچ سمجھ کر اس بارے میں باضابطہ اعلان کریں گے، شاہد آفریدی کے اہل خانہ نے درخواست کی ہے کہ اس حوالے سے قیاس آرائیوں سے گریز کیا جائے۔
مزید خبریں :
چیمپئنز ٹرافی 2025: ایونٹ کی ٹرافی پاکستان پہنچ گئی
9 گھنٹے پہلے
دبئی نے ثانیہ مرزا کو اپنا اسپورٹس ایمبیسڈر مقرر کر دیا
10 گھنٹے پہلے
