میگھن کے انٹرویو پر والد کا ردعمل سامنے آگیا

برطانوی شہزادے ہیری اور  ان کی اہلیہ میگھن مارکل کے انٹرویو پر میگھن کے والد کا ردعمل سامنے آ گیا۔

میگھن کے والد تھامس مارکل نے بیٹی کے انٹرویو پر ردعمل کا اظہار کرتے ہوئے کہا  کہ وہ شاہی خاندان کے لیے بہت احترام رکھتے ہیں اور انہیں نہیں لگتا کہ برطانوی شاہی خاندان نسل پرست ہے اور نہ ہی برطانوی نسل پرست ہوتے ہیں۔

انہوں نے کہا کہ برطانویوں  کے بجائے لاس اینجلس اور کیلی فورنیا نسل پرست ہیں اور بچے کی رنگت سے متعلق سوال نسل پرستی نہیں بلکہ احمقانہ نوعیت کا ہوسکتا ہے۔

خیال رہے کہ برطانوی جوڑے نے گزشتہ دنوں امریکی میزبان اوپرا ونفری کو اپنے ذاتی حالات زندگی سے متعلق انٹرویو دیا تھا جس میں میگھن نے برطانوی شاہی خاندان پر الزامات کی بارش کردی۔