10 مارچ ، 2021 
سوشل میڈیا پر منیبہ مزاری کے پہلے برائیڈل فوٹو شوٹ کے چرچے
10 مارچ ، 2021
وہیل چئیر تک محدود مصورہ، مقرر اور معروف سماجی کارکن منیبہ مزاری ہر فن مولا ہیں اور اب ان کے خوبصورت برائیڈل فوٹو شوٹ نے سب کی توجہ سمیٹ لی ہے۔
پاکستانی برانڈ لاجونتی نے خواتین کے عالمی دن کے موقع پر ایک مہم کا آغاز کیا جس کا نام سانچہ ہے، اس مہم کی اسٹار پاکستانی سماجی کارکن منیبہ مزاری ہیں۔
اس مہم کا بنیادی مقصد ہر انسان کی انفرادی حیثیت کے گرد گھومتا ہے کہ کیسے ہمیں معاشرے کے بنائے ہوئے سانچے میں ڈھلنے کے لیے خود کو بدلنے کی ضرورت نہیں۔
برائیڈل فوٹو شوٹ میں منیبہ مزاری کو خوبصورت لال رنگ کے عروسی جوڑے میں ملبوس دیکھا جا سکتا ہے اور ساتھ ہی انہوں نے روایتی جیولری اور ہاتھوں میں گجرے بھی پہن رکھے ہیں۔
سوشل میڈیا صارفین کی جانب سے پاکستانی سماجی کارکن منیبہ مزاری کی خوب تعریفیں کی جا رہی ہیں۔
خیال رہے کہ منیبہ مزاری پاکستان کی وہ پہلی خاتون ہیں جنہیں اقوام متحدہ نے اپنا خیرسگالی سفیر مقرر کیا جب کہ منیبہ ایک موٹیویشنل اسپیکر، مصورہ، مقررہ اور سماجی کارکن بھی ہیں۔
منیبہ محض 21 برس کی عمر میں کار ایکسیڈنٹ کے باعث وہیل چیئر تک محدود ہو گئی تھیں۔
مزید خبریں :
سپر اسٹار الو ارجن کی پولیس حراست میں ویڈیو سامنے آگئی
13 دسمبر ، 2024
بلاک بسٹر فلم ’ پشپا ٹو ‘ کے سپر اسٹار الو ارجن گرفتار
13 دسمبر ، 2024
سائرہ یوسف پر دوسری شادی کیلئے کتنا دباؤ ہے؟ اداکارہ نے بتادیا
13 دسمبر ، 2024
