سارہ اور نور کی بچپن کی تصویر مداحوں کے درمیان مذاق بن گئی

پاکستان شوبز انڈسٹری میں اپنی صلاحیتوں کے جوہر دکھانے والی خوبصورت بہنیں سارہ خان اور نور خان کی بچپن کی تصویر نے سوشل میڈیا صارفین کو حیرت میں مبتلا کردیا۔

سوشل میڈیا پلیٹ فارم پر سارہ خان اور نور خان کی بچپن کی تصویر تیزی سے وائرل ہورہی ہے جس میں انہیں کئی بچوں کے ساتھ صوفے پر بیٹھے دیکھا جاسکتا ہے۔

قدرے عام سے حلیے میں بچپن میں لی گئی یہ تصویر پہلی نظر میں سارہ خان اور نور خان کے مداحوں کو یہ یقین دلانے کے لیے ناکافی ہے کہ زیر نظر تصویر دونوں اداکار بہنوں کی ہے۔

تصویر وائرل ہونے کے بعد دونوں اداکاراؤں کو مداحوں کی جانب سے تنقید کا نشانہ بنانے کے ساتھ ساتھ  تبصروں کا سلسلہ بھی جاری ہے۔

نتاشا نامی صارف نے اداکاراؤں کی تصویر پر افسردگی کا اظہار کرتے ہوئے لکھا کہ دنیا چھوڑنے کا وقت آگیا ہے۔

ایک صارف نے اداکاراؤں کی تصویر کا آج کی تصویروں سے موازنہ کرتے ہوئے لکھا کہ ’پیسہ بولتا ہے۔‘

حنا عباس کے مطابق تم بدصورت نہیں ہو تم صرف غریب ہو۔