15 مارچ ، 2021 
سجل اور احد کی ویب سیریز ’دھوپ کی دیوار‘ کا پہلا ٹیزر جاری
15 مارچ ، 2021
پاکستان انٹرٹینمنٹ انڈسٹری کی مقبول ترین اداکار جوڑی سجل اور احد کی ویب سیریز ’دھوپ کی دیوار‘ کا پہلا ٹیزر جاری کر دیا گیا ہے۔
سجل اور احد متعدد ڈراموں میں ایک ساتھ نظر آچکے ہیں لیکن اس بار ان دونوں کو جلد ویب سیریز 'دھوپ کی دیوار' میں اداکاری کرتے دیکھا جائے گا۔
ویب سیریز 'دھوپ کی دیوار' کا پہلا ٹیزر اداکارہ سجل اور احد رضا میر کی شادی کی پہلی سالگرہ کے موقع پر جاری کیا گیا ہے۔
ویب سیریز بھارتی پروڈیوسر اور فلم ساز شائلجہ کیجریوال کی جانب سے پروڈیوس کی گئی ہے جب کہ مختصر ٹیزر میں سجل اور احد کو فون پر بات کرتے دیکھا گیا ہے۔
سوشل میڈیا پر مداحوں کی جانب سے ’دھوپ کی دیوار‘ کے مختصر ٹیزر کو پسند کیا جا رہا ہے اور انہیں اس کا بے صبری سے انتظار ہے۔
شریا نامی صارف کہتی ہیں کہ وہ ویب سیریز ’دھوپ کی دیوار‘ دیکھنے کے لیے پرجوش ہیں۔
ایک اور صارف نے کہا کہ’میں ابھی ہی دھوپ کی دیوار دیکھنا چاہتی ہوں، ٹیزر بہت اچھا تھا‘۔
اقراء کہتی ہیں کہ ’میں اپنا صبر کھو رہی ہوں‘۔
خیال رہے کہ ویب سیریز 'دھوپ کی دیوار' کی کہانی مصنفہ عمیرہ احمد نے لکھی ہے جس کی ہدایت کاری حسیب حسن نے دی ہے جسے جلد زی 5 پر ریلیز کیا جائے گا۔
مزید خبریں :
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
سابق بھارتی اداکارہ ثنا خان کے ہاں دوسرے بچے کی پیدائش متوقع
22 نومبر ، 2024
