’یہ صرف تمغہ نہیں میری محنت کا میٹھا پھل ہے‘

اداکارہ ریشم صدارتی تمغہ برائےحسن کارکردگی ملنے پر خوشی سے  نہال ہیں۔

ایک بیان میں اداکارہ ریشم نے کہا کہ یہ ان کی زندگی کابہت اہم دن ہے۔

اداکارہ نے اس موقع پر اپنے مداحوں کا بھی شکریہ ادا کرتے ہوئے کہا کہ شکر گزار ہوں حکومتی سطح پر ان کے کام کو سراہاگیا ہے۔ 

دوسری جانب انسٹاگرام  پر  ریشم نے ایوارڈ کے ہمراہ تصویر شیئر کرتے ہوئے پوسٹ درج کی کہ زندگی کا یہ لمحہ ایک خواب سا لگ رہا ہےلیکن اس خواب کو سچ کیا میرے خدا نے، یہ پرائیڈ آف پرفارمنس کا تمغہ نہیں بلکہ میری محنت کا وہ میٹھا پھل ہے کہ جسے میرے رب نے مجھے چکھنا نصیب کیا۔

خیال رہے کہ گزشتہ روز یوم پاکستان کے موقع پر زندگی کے مختلف شعبوں میں نمایاں کارکردگی دکھانے والوں کے لیے ایوان صدر میں تقسیمِ اعزازات کی تقریب  کا انعقاد کیا گیا تھا۔

گورنر سندھ نے نمایاں کارکردگی کی حامل شخصیات کو سول اور صدارتی ایوارڈز سے نوازا

تعلیم کے شعبے میں پروفیسر ڈاکٹر نثار احمد صدیقی مرحوم ، شعبہ فنون و اداکاری میں طلعت حسین، شعبہ خدمات عامہ میں مرحومہ سسٹر روتھ فاؤ کو ایوارڈز دیے گئے

فن اداکاری کے شعبے میں  اداکارہ ریشم کے علاوہ نعمت سرحدی، محمد علی شہکی،  ہمایوں سعید، علی ظفر، حنا نصراللہ، سرمد صہبائی اور اندو مریم مٹھا کو بھی صدارتی اعزاز برائے حسن کارکردگی سے نوازا گیا۔